玄奇世界＞玄學大講場＞玄學漫游﹣蔣文正＞人腦要進化

人腦要進化

人之異於禽獸，勝於禽獸者，乃是人有一個聰明的腦袋，與及一對靈活而懂創造的手掌。 除此之外，人類通通不及禽獸也。

講跑，唔夠隻馬快；講跳，唔夠馬騮高；講大力，唔夠牛隻嗰皮；講打，唔夠隻老虎犀利；講游水，更加唔係青蛙嗰皮﹗

所以，我哋一定要着重個腦，個腦生得唔好，就樣樣都執輸俾人，連隻牛都不如也。

但個腦睇唔到，點知道好唔好呢？ 咁就要睇個頭蓋骨，如骨頭蓋骨有頭髲遮住，咁起碼要睇吓個額。

各位從下列之人類進化圖可以見到 ﹙見圖○1﹚，人類係由好短窄既額相，漸漸進化成一個現代人模樣的前額飽漲既相格的。

如果比一個普通人再進化成一個到如：圖○2 一樣，有一個更加飽漲，連側額都漲卜卜的頭顱的話，那一定是一個聰明才智之士，或飽讀詩書，才華橫溢之輩。

古書說骨有九起，即是有九種骨要突出及高漲之意：天庭骨隆起、枕骨強起、頂骨平起、佐串骨角起、太陽骨線起、眉骨伏犀起；及顴骨若不得而起、項骨平伏起、鼻骨芽起。

有一種骨优勝，已經不窮；二則不賤、有功名了；三則動履稍勝，即是一舉一動可引起別人及社會之注意了；四則貴矣；五者兼備，更為「柱石之器」也，如圖○3，國家棟樑之人也。

總之，頭蓋骨生得夠靚夠漲，就算不是柱石之器咁猛料，都是高人一等之人者矣﹗