玄奇世界＞玄學大講場＞玄學漫游﹣蔣文正＞自在命的掌相

自在命的掌相

蔣文正

有一位仁兄，係藝術工作者，對五行術數，也有點涉獵，閒時喜歡四處幫趁，試下邊個睇相佬有料。

有一次去幫趁一個無甚名氣之相士，對方睇一睇佢對手掌之後，便對他說：你老哥的工作甚為悠閒，但自在悠閒時反為有錢，辛苦到死之時，卻反而分分鐘莫財，是乾塘時期。

這仁兄大詫，自忖的確如此，有時做到死下死下，反而得個桔，但有時「符碌符碌」，休休閒閒；卻有意想不到之收獲，得閒東指指，西指指，正是行行企企，食飯幾味。

這位睇相佬能指出這點，令這位仁兄大為拜服，也驚詫中國掌相學之神奇。

其實這又何難﹖中國相書說﹕「手軟如棉，閒且有錢」，即是說，一人既手掌，如果又軟又滑，就容易舒舒服服而有錢，不必死捱難捱矣﹗

但係就要另外有條件，就係要手型細隻，男人生到好似女人隻手咁細小，而兼且最重要的是要頭腦線生得好，又長又清淅先至得。

因為不必死捱，就是要用腦，頭腦線唔好，即是頭腦唔好，咁點「食腦」﹖而手掌大隻，是工作狂，自在一點都唔舒服，係都要搵些工作做先至安樂，所謂辛苦命，或是「搵苦來辛」的命，又點閒得起來﹖

自在命都有相睇嘅，而替這位仁兄睇掌之相士，就係區區在下了。